Полицијата во Лондон спречи помал протест пред британскиот Парламент во Вестминстер против мерките воведени за справување со новиот корона вирус.

Како што јавуваат британските медиуми, група од околу 50 граѓани протестирале против мерките, а дел од нив и против мрежата 5Г, потенцирајќи дека тие се луѓе кои сè уште имаат некои права.

Полицијата побарала од нив да заминат со предупредување дека се забранети собири, по што казниле и уапсиле неколку демонстранти.