Четири лица од Лабараторијата на ЈЗУ Здравствен дом Велес, се ставени во самоизолација поради контакти со лица при земање на крв во Лаборторија, а кои не биле искрени односно лажеле при давање на одговори на здравствените работници за тоа дака веќе имале контакти со заразени или сомнителни на Ковид-19.

Како што информира за МИА д-р Страхил Тодоров, портпарол на ЈЗУ Здравствен дом и апелира до сите пациенти кои се јавуваат за било каква медицинска помош во нивните служби да бидат искрени.

– Апелирам до сите нив да бидат искрени да не лажат кога нашите здравствени работници им поставуваат прашања за нивната здравствена состојба, како и за  претходни ризични контакти со луѓе кои се позитивни на Ковид-19 или со лица вратени од странство,кои спаѓаат во ризична група,потенцира д-р Тодоров.

Согласно препораките на Министерството за здравство, во оваа здравствена установа, кај Итната медициска помош уште од почетокот на вонредната состојба обезбедена е посебна просторија за прием на пациенти кои се сомнителни на Ковид-19, а со цел заштита на другите пациенти кои се во истиот момент во тој објект, како и превенција од ширење на заразата,информира др Тодоров.