Американскиот претседател Доналд Трамп овие денови докажува дека неговиот претходник во Белата куќа, Барак Обама го вмешал во теориите на заговор поврзани со вмешаноста на Русија во претседателските избори. Поранешниот советник за национална безбедност Флин се покажа како жртва на „валканите полицајци“, соопштуваат американските медиуми.

Аферата „Обамагејт“ веќе го потресе Вашингтон потешко од коронавирусот, бидејќи три дена по ред американскиот претседател го обвинува демократскиот претходник во Белата куќа, Барак Обама, за „поставување“ обвиненија со него, заедно со поранешниот главен ривал на Доналд Трамп на изборите, Хилари Клинтон, дека „соработувал“ Русите. Трамп тврди дека оваа афера ќе ја надмине една од најголемите во историјата на САД, „Вотергејт“, која во 1974 година доведе до оставка на тогашниот претседател Ричард Никсон.

Досега најголемиот политички криминал во историјата на САД – изјави Трамп.

Трамп објави повеќе од 100 „твитови“, веднаш откако Обама изрази загриженост дека обвинителството ги отфрли обвиненијата против Мајкл Флин, поранешен советник за национална безбедност на шефот на Белата куќа. Трамп го отпушти еден од неговите најблиски соработници, Флин, во 2017 година, откако призна дека лажел за разговорите со рускиот амбасадор во САД.

Според приврзаниците на Трамп, Обама бил вмешан во обидот за „фаќање во стапица“ на Мајкл Флин, поранешниот советник за национална безбедност на Трамп, кој се изјасни за виновен во 2017 година за лажење на ФБИ. Министерството за правда минатата недела покрена постапка за отфрлање на случајот против Флин, а тоа само ја разгоре теоријата, заедно со новообјавените документи со детали за раната фаза на истрагата за Флин.

Некои од сојузниците на Трамп тврдат дека Обама бил дел од заговорот на ФБИ за да се измами и натера Флин да лаже за време на истрагата, во рамки на обидот да го симне следниот претседател од власт. Тие укажуваат на состанок на Овалниот кабинет на 5 јануари 2017 година, на кој Обама, Џо Бајден и поранешниот директор на ФБИ, Џејмс Коми и други, разговарале за Флин и пошироката истрага за мешањето во изборите од страна на Русија.

Наводно, првичниот налог за прислушување на кампањата на Трамп бил добиена врз основа на, веќе докажано невистинито, досие за шефот на Белата куќа. Досието го составил поранешниот британски агент на МИ6, Кристофер Стил, а го нарачала и платила кампањата на Хилари Клинтон, со цел да докажат дека Русите го уценуваат Трамп, кој наводно е нивен пион.